જોડણીના થોડાક ફેરફારથી થતાં અર્થભેદ

~~ જોડણીના થોડાક ફેરફારથી થતાં અર્થભેદ ~~

--------------

અકસ્માત - દુર્ઘટના

અકસ્માત્ - એકાએક, ઓચિંતું

અફર - નિશ્ચિત 

અફળ - નિષ્ફળ

અસ્ત્ર  - છૂટું ફેંકવાનું હથિયાર 

શસ્ત્ર  - હાથમાં ઝાલીને વાપરવાનું  હથિયાર 

            

અહીં - આ સ્થળે, આ જગ્યાએ 

અહિ - સાપ

ઈનામ - બક્ષિસ,  ભેટ 

ઈમાન - પ્રામાણિકતા

ઉપહાર  - ભેટ, બક્ષિસ 

ઉપાહાર - અલ્પાહાર, નાસ્તો 

ઉરુ - વિશાળ 

ઊરુ - જાંઘ

ખચિત  - જડિત (જડેલું)

ખચીત - અવશ્ય, જરૂર                  

        

ગ્રહ - પૃથ્વી, શુક્ર વગેરે ( આકાશી પદાર્થો ) 

ગૃહ  - ઘર, સદન

દોશી - કાપડનો વહેપારી 

દોષી - અપરાધી, ગુનેગાર 

સારુ - માટે 

સારું -  સુંદર, સરસ

શરત - હોડ, સ્પર્ધા, કરાર

સરત  - ધ્યાન, નજર, સ્મૃતિ 

શીલા - ચારિત્ર્યવાન સ્ત્રી 

શિલા - પથ્થર

સાલ -  વર્ષ 

શાલ  - ઓઢવાનું ગરમ વસ્ત્ર, સાગનું ઝાડ

           

દ્વીપ  - બેટ 

દ્વિપ - હાથી 

નિધન  - મૃત્યુ 

નિર્ધન - ગરીબ 

 નીંદવું - નકામું ઘાસ કાઢવું

નિંદવું  - નિંદા કરવી, ટીકા કરવી

પરમાણુ  - નાનો અણુ

પરમાણું  - માપ, પુરાવો

પુરી  - નગરી 

પૂરી  - તળેલી ખાદ્ય વસ્તુ 

રાશિ - ઢગલો

રાશી - ખરાબ

લક્ષ્ય  - ધ્યેય, હેતુ

લક્ષ  -  લાખ, ધ્યાન 

કમર - કેડ, કટિ

કમળ  - એક ફૂલ 

કઠોર - દયા વગરનું

કઠોળ - દાળ પડે એવું અનાજ

કૂચ  - લશ્કરી ઢબની ચાલ 

કુચ  - સ્ત્રીની છાતી

કુજન - ખરાબ માણસ 

કૂજન - મધુર ગાન

કંસારિ - કંસના અરિ (દુશ્મન), શ્રીકૃષ્ણ

               

કંસારી -  કંસારાની પત્ની, એક જીવડું 

અનલ - અગ્નિ 

અનિલ - પવન 

ડિલ - શરીર 

દિલ - મન , હ્રદય 

પાણી - જળ, વારિ

 પાણિ - હાથ, હસ્ત

ચિર - લાંબું 

 ચીર - વસ્ત્ર